I arrestuari në Bazel për 603 kilogram kokainë refuzon të ekstradohet në Kroaci

12 pasaporta, avione private me plot kokainë, plaçkitje dhe mashtrime, këto janë disa nga arsyet se pse Michel Dokovic 59 vjeçar ka shumë arsye pse refuzon ekstradimin në Kroaci.

Michel Dokovic ka qenë në paraburgim në Bazel që nga muaji maj. Ai u arrestua në maj kur dorëzoi 603 kilogramë kokainë, të cilën e kishte sjellur në Bazel me një avion privat.

Në fakt, Dokovic duhet të dorëzohet në Kroaci, por dilleri i drogës reziston.

Në bazë të të dhënave të autoriteteve policore dhe atyre të drejtësisë Dokovic figuron se ka 12 pasaporta.

Ai kishte lindur si Iljmija Frljučkić dhe la gjurmët e tij në SHBA, në Kosta Rika, Belgjikë, Francë, Hollandë dhe Republikën Çeke.

Kohët e fundit ai organizoi trafikimin e drogës nga një vilë në periferi të Zagrebit.

Lista e krimeve të tjera të Dokovic janë edhe zjarrëvënie, mashtrim, plaçkitje.

59-vjeçari malazez u arrestua në maj kur ngarkoi 603 kilogramë kokainë në një garazh.

Dokoviç u vu në shënjestër të autoriteteve kur një milion euro para të gatshme u gjetën në makinën e tij në një pikë kufitare midis Sllovenisë dhe Kroacisë tetorin e kaluar.

Në telefon, Dokoviç foli hapur për biznesin e tij të drogës. Autoritetet e dëgjuan. Ai përshkroi se si punësoi stjuardesa dhe pasagjerë për të kamufluar në mënyrë të besueshme avionët e ngarkuar me drogë si një statut biznesi.