Lajme

I riu shqiptar rrëfen krimin, hodhi trupin e kushëririt në lumë pas zënkës

Pas vrasjes së E.M., policia italiane ka arrestuar kushëririn e 20-vjeçarit, M.M si autor i dyshuar.

E.M., 20-vjeçari kosovar u gjet i vdekur në kanalin që kalon në Kalkio, më 17 janar, në komunën e Bergamos që kufizohet me Urago d’Oglio.

Disa orë pas zbulimit makabër të kufomës 20-vjeçare, kushëriri i tij M.M. përfundoi në pranga.

Gjatë marrjes në pyetje M.M, nën asistimin e avokatit Giovanni Migliorati, pranoi se e kishte goditur viktimën, por gjithashtu shtoi se e bëri atë për ta mbrojtur veten nga një sulm.

Në origjinën e sherrit mes kushërinjve, që më pas degjeneroi në vrasje, raportohet se qëndron çështja ekonomike.

Mediat italiane raportojnë se shkak për këtë vrasje ishin 50 ose 100 euro që viktima i kishte huazuar kushëririt të tij.

Musliu rrëfeu para autoriteteve se e kishte zënë paniku pas sherrit dhe e ka transportuar trupin e kushëririt të tij, i cili ende nuk kishte vdekur, në Naviglio, duke e hedhur në lumë, ku dyshohet se edhe ka ndërruar jetë, shkruan TCH, përcjell albinfo.ch.