Lajme
Pushimet mund t’ju kushtojnë me largim nga puna
Përkundër hapjes së kufijve në Austri, të gjitha vendet evropiane ishin vendosur në nivelin 4 nga Ministria e Jashtme. Kjo do të thotë që ekziston një "rrezik i lartë sigurie". Ministria e Jashtme e këtij shteti këshillon që të mos këtë udhëtime të panevojshme.
Që nga 16 qershori, Austria hoqi të gjitha kufizimet e udhëtimit për 31 vende. Kjo do të thotë se kur të ktheheni në Austri, nuk keni më nevojë të karantinoheni. Sidoqoftë, sipas Ministrisë së Jashtme, rreziqet e sigurisë ende në shumë shtete janë evidente dhe udhëtimi i panevojshëm mund edhe të këtë pasoja, shkruan Albinfo Austria.
Nëse udhëtoni për pushime në një nga vendet e rrezikuara me koronavirus dhe gjendja përkeqësohet përsëri, kjo mund të ketë pasoja me Ligjin e punës, tha Alexander Tomanek nga Dhoma e Punës në Vjenë.
Punëdhënësit nuk do të paguajnë karantinën
“Në rastin më të keq, kur unë të kthehem nga pushimi dhe, për shkak të një urdhri zyrtar, do të më duhej të qëndroja në shtëpi për dy javë dhe të mos isha në gjendje të punoja. Kjo do të ishte një fazë për mua si punonjës në të cilin punëdhënësi nuk ka pse të më paguajë sepse unë vetë isha përgjegjës për këtë”, tha Tomanek.
Kjo vlen veçanërisht nëse jeni të infektuar me virusin e koronës në njërën prej këtyre vendeve. “Në çdo rast, duhet të pres pasoja të Ligjit të punës. Duke u nisur nga fakti se kur kthehem dhe nuk mund të punoj, punëdhënësi nuk është në gjendje të paguajë pagesën e vazhdueshme të pagave. Unë tashmë kam humbje financiare”, shtoi Tomanek.
E mundur edhe largimi nga puna
Nëse ju vendosni që përkundër apelit të shtetit, të shkoni në pushime, ju mund të largoheni edhe nga puna. “Sipas një rregullore të punës, në rast se infektoheni në pushime jashtë shtetit dhe nëse zbatohet sërish rregullorja e karantinimit, punëdhënësi ka mundësinë të ndërpresë edhe marrëdhënien e punës”, vazhdon Tomanek, duke shtuar se përgjegjësinë secili duhet ta bartë për vete.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjenevë: Vjedhjet e biçikletave – zgjidhen rrallë Vjedhjet e biçikletave në Gjenevë janë në rritje dhe shumë rrallë zgjidhen. Me më shumë biçikleta...
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të