Futboll

Informacionet e fundit për gjendjen e Eriksenit

Një ngjarje që nuk është më parë në një Kampionat Evropian

Momente ankthi dhe paniku për jetën e Christian Eriksen. Mesfushori i Interit ra në fushë pa ndjenja në minutën e 43-të të sfidës së vlefshme të Grupit B për Euro 2020 mes Danimarkës dhe Finlandës.

Sipas informacione të fundit është në gjendje shumë të rëndë dhe po lufton me jetën, përcjell albinfo.ch.

Pas ndihmës së parë në fushë ku mjekëve ju desh të përdornin edhe defibrilatorin për t’i bërë masazh kardiak, gjyqtari ndërpreu ndeshjen ndërkohë që Eriksen u dërgua me urgjencë në spital.

Në orët e ardhshme priten të tjera informacione mbi gjendjen e mesfushorit të Interit.

Në fushë zbriti edhe bashkëshortja e 29-vjeçarit, e dëshpëruar e cila u ngushëllua nga kapiteni Kjaer dhe portieri Kasper Schmeichel.

Tashmë të gjithë kanë harruar ndeshjen dhe të gjitha lutjet shkojnë për mesfushorin danez.

Informacionet e fundit janë se Eriksen është gjallë dhe në gjendje të qëndrueshme. Ai është transferuar në një spital të afërt.


LAJME INTERESANTE NGA INTERNETI