Tematike
Iniciativa e SVP-së për kufizimin e të huajve, nuk ka shanse të fitojë
56 për qind të të pyeturve kanë hedhur poshtë nismën e kufizimit ndërsa 41 për qind, do të votonin në favor të iniciativës së SVP-së
Nëse votimi i 27 shtatorit do të bëhej sot nisma e SVP-së për kufizimin e numrit të të huajve nga BE, nuk do të kishte shanse.
Sa u përket iniciativa tjera që do të votohen po atë ditë, pamja është si vijon: avionët e rinj luftarak do të bliheshin, megjithëse një shumicë e ngushtë do të votonte pro, shkruan watson.ch. Pushimi i atësisë dhe rritja e shtesës për fëmijë do të fitonin të dyja shumicën e qartë ndërsa ligji i gjuetisë do të dështonte.
Këto janë rezultatet e një hulumtimi të bërë nga gazetat Tamedia dhe ajo “20 Minuten”, që u botua të premten.
Të hënën dhe të martën e kësaj jave, ditët kur është bërë sondazhi, 56 për qind të të pyeturve kanë hedhur poshtë nismën e kufizimit, transmeton albinfo.ch. Nga ana tjetër, 41 për qind e të anketuarve do të votonin në favor të iniciativës.
Iniciativa, siç mund të shihet ka gjetur një shumicë vetëm në mesin e simpatizantëve të SVP -së. Ndërsa nag ana tjetër vetëm një e treta e simpatizuesve të CVP-së dhe FDP-së, mbështesin atë iniciativë. Nga ana tjetër, 10% e simpatizuesve të Partisë Socialdemokrate (SP) do të votonin në favor të iniciativës.
Mbështetja është më e dobët në qytete (34 për qind), e ndjekur nga komunitetet e aglomeracionit (42 për qind), përcjell albinfo.ch. Por gjithashtu iniciativa nuk e ka shumicën as në zonat rurale (47 për qind).
Nga regjionet gjuhësore, iniciativa për kufizimin e numrit të të huajve të BE-së, sipas sondazhit, një shumicë do ta siguronte vetëm në kantonin italishtfolës të Ticinos, përcjell albinfo.ch. Atje janë shprehur në favor të nismër 55 % e të anketuarve.
Argumentet pro dhe kontra janë: përkrahësit e inisiativës theksojnë sovranitetin e vendit i cili “po rrezikohet” nga numri i madh i të huajve, ndërsa kundërshtarët theksojnë se lëvizja e lirë e njerëzve ka dhënë dhe po jep një kontribut të rëndësishëm në prosperitetin e Zvicrës.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit