Futboll

Ish-kampioni i Anglisë, në kërkim të Vedat Muriqit

Nuk ka ditë që nuk raportohet për interesimin e madh për sulmuesin e Fenerbahçes, Vedat Muriqi.

Për reprezentuesin e Kosovës thuhet se tani interesim ka shprehur edhe Leicester City, shkruan “FotoMac”.

Muriqi, i cili ende nuk ka vendosur për të ardhmen, po kërkohet nga shumë klube.

Leicester City është një nga klubet në Premierligë që e synon transferimin e futbollistit nga Prizreni.

Bëhet e ditur se ish-kampioni i Premierligës do t’i nisë në ditët e ardhshme bisedimet me Fenerbahçen për Muriqin.

Këtë edicion Muriqi është paraqitur në 36 ndeshje zyrtare për Fenerbahçen, ku ka shënuar 17 gola dhe ka dhuruar gjashtë asistime.


LAJME INTERESANTE NGA INTERNETI