Islanda nuk do që t’i bashkohet BE-së

Islanda ka tërhequr zyrtarisht kërkesën për t'u anëtarësuar në Bashkimin Evropian.

Islanda ka hequr dorë nga oferta për t’u anëtarësuar në BE, tha sot Ministria e Punëve të Jashtme.

Ministri i Punëve të Jashtme, Gunnar Bragi Sveinsson, theksoi në një komunikatë se ia kishte paraqitur këtë vendim Letonisë, që drejton Bashkimin Evropian dhe e cila e ka informuar Komisionit Evropian.
“Qeveria beson se Islanda nuk është më një kandidate dhe BE-ja kërkohet që të veprojë në përputhje me këtë kërkesë të vendit tonë”, thuhet në deklaratë.

Konkluzioni është miratuar në një takim të kabinetit, më 10 mars.

Negociatat që Islanda të anëtarësohej në BE kishin filluar më 2009. Më 2013 ishin pezulluar nga qeveria e qendrës së djathtë.

Një shumicë e islandezëve gjithmonë në votime ishin deklaruar kundër bashkimit me BE-në.

---