Itali: Aplikacion për rezervim të plazheve

Foto ilustrim (Johnny Chau)

Një nga pasojat që ka sjellë pandemia është se zakonet e italianëve duket se kanë ndryshuar për mirë. Me kufizime, të cilat janë ende në fuqi, rezervimi paraprak rekomandohet pothuajse kudo, edhe kur shkoni në plazh.

Aplikacionet e telefonave inteligjentë, si ai që përdor Roberta, po bëhen trendi i ri i verës. Një përvojë miqësore për përdoruesit për rezervime të shpejta.

“Pasi kam zgjedhur vendin, mund të shoh se aplikacioni ofron disa shërbime, përfshirë aktivitete sportive, siç është prenotimi për të mësuar surfing. Në rastin tim unë jam e interesuar të rezervoj vetëm një shezlong”, tha pushuesja Roberta Rozzi.

Kur hapësirat janë të kufizuara, përparësi është të jesh në gjendje të kapërcesh vijën. Një tjetër  hap pozitiv është se gjurmimi i kontaktit bëhet shumë më i lehtë duke përdorur aplikacionin.

“Nëse nuk do të përdorja aplikacionin, do të duhej të vija këtu herët, pa asnjë garanci se do të kisha një vend pasi nuk do të parapaguhej. Për më tepër, sa herë që vij këtu, të gjitha të dhënat e mia personale janë regjistruar tashmë, kështu që nuk përballem me rreziqe shëndetësore siç është të prekësh sipërfaqet ose një stilolaps pasi do të më kërkohej të plotësoja një formular”, vijoi Rozzi.

Megjithëse bizneset kanë prezantuar aplikacionet për smartphone në një pjesë të vogël të plazheve të Italisë, tendenca po rritet. Rezervimi “iRiva” është një prej tyre. Ideja u krijua në kulmin e pandemisë, por shumë shpejt, krijuesit e tyre kuptuan potencialin e saj.

“Kriza shëndetësore thjesht ka përshpejtuar një prirje që do ta bëjë Italinë dhe Evropën më të digjitalizuar. Shtetet e Bashkuara tashmë kanë shkuar në atë rrugë dhe është një proces i natyrshëm që në vend që ta luftosh duhet ta inkurajosh”, tregon Ottavio Di Paolo, bashkë-themelues i “Riva Booking”.

Shumica e rregullave të vitit të kaluar kanë mbetur në vend. Çadrat duhet të qëndrojnë secila brenda një sipërfaqe prej 10 metrash katrorë dhe të zbatohet  distanca midis shezloneve. Por, me fushatën e vaksinimit që ecën me ritme të shpejta, sezoni i verës duket më i sigurt.

“Unë mendoj se pas asaj që kemi kaluar këtë vit – njerëzit prisnin verën. Në rastin tim, unë kam pasur një vit shkollor shumë stresues, kështu që ishte shumë e nevojshme. Rezervimi mund të jetë stresues, por ia vlen absolutisht”, u shpreh një pushuese tjetër.

Por për të tjerët, nuk ndihet e njëjta gjë:

“Kur të ketë më shumë pushues , unë nuk do të largohem fare nga shtëpia ime, nuk do të vij këtu. Nuk më pëlqen të rrethohem nga shumë njerëz. Ideja për të pasur një rezervim duket sikur më kufizon lirinë”, tha një grua.

Dallimi kryesor midis këtij viti dhe vitit të kaluar është se Italia pritet të mirëpresë gjithnjë e më shumë turistë ndërkombëtarë me prezantimin e certifikatave digjitale të BE-së. Nëse ata do të jenë në gjendje të shijojnë verën në Itali, pavarësisht masave anti-Covid, të cilat përfshijnë  edhe këtë aplikacion të ri, mbetet për t’u parë./euronews