Itali: Njoftohen qytetarët shqiptarë që kanë aplikuar për pasaportë

Ambasada shqiptare në Itali njofton qytetarët që kanë aplikuar për pasaportë

Ambasada e Republikës së Shqipërisë në Romë ka bërë të ditur se qytetarët që kanë aplikuar për pasaportë dhe letërnjoftim, deri më 17 korrik 2020 se dokumentet kanë mbërritur, shkruan albinfo.ch.

Sipas njoftimit, thuhet se në zbatim të legjislacionit të emergjencës COVID-19, ato do të mund të tërhiqen edhe përmes korrierëve postarë, duke na njoftuar paraprakisht në adresën email: [email protected].

Po ashtu theksohet se korrieri duhet të pajiset me autorizimin e firmosur për tërheqjen, shoqëruar nga kopja e dokumentit tuaj të identifikimit dhe me kuponin e aplikimit që keni marrë në ambasadë.

Adresa është, Ambasciata della Repubblica d’Albania, Via Asmara 3 – 5, 00199 Roma, Italia. /Albinfo.ch

---