Lajme
Italia u bashkohet shkencëtarëve në Universitetin e Oksfordit për vaksinën anti-Covid
Italia u është bashkuar shkencëtarëve të Universitetit të Oksfordit, të cilët janë duke punuar për krijimin e një vaksine anti-Covid.
Grupi IRBM, me qendër në periferi të Romës, kontribuoi në prodhimin e dozave të para të vaksinës eksperimentale të zhvilluar nga ‘AstraZeneca’ dhe shkencëtarët në Universitetin e Oksfordit. Rezultatet e provave klinike të vaksinës kanë qenë inkurajuese.
“Ata janë pozitivë pasi tregojnë jo vetëm që vaksina është e sigurt, por edhe ka dëshmuar një reagim të fortë imunitar. Nxiti antitrupa në më shumë se 90% për qind të individëve pas një doze, dhe 100% në rastin e atyre që morën një dozë të dytë, e cila është shumë e fortë”, thotë kreu i IRBM, Matteo Liguori, përcjell albinfo.ch.
Por duhet të përshkohet ende një rrugë e gjatë para se vaksina të jetë gati për t’u miratuar. Testimet njerëzore janë ende në zhvillim e sipër.
Edhe pse vaksina është përdorur tek individët e infektuar, mbetet të shihet se sa mbrojtje do të sigurojë në të vërtetë dhe shpërndarja në shkallë të gjerë nuk do të fillojë para fundit të vitit.
“Sfida më e madhe në rastin e kësaj vaksine dhe të tjera vaksinave që janë duke u zhvilluar, është se duhet të rritet prodhimi në një periudhë të kufizuar kohore. Ndërsa virusi përhapet fuqishëm, përdoruesit e mundshëm do të përfshinin këdo, ne po flasim rreth 7.5 miliardë njerëz në të gjithë botën. Një grup i vetëm përgjegjës nuk është i mjaftueshëm”, shton z. Liguori.
‘AstraZeneca’ ka nënshkruar një marrëveshje me disa vende evropiane për të shpërndarë serinë e parë prej 60 milionë doza deri në fund të vitit. 400 milionë do të jenë në dispozicion deri në vitin 2021. Por studiuesit thonë se gara për vaksinën nuk është konkurs.
Individët që janë më të rrezikuar nga virusi dhe personat me probleme shëndetësore ka të ngjarë të favorizohen për të marrë vaksinën. Por nuk di se sa kohë do të duhet që e gjithë popullsia e botës do të mund të jetë imune ndaj virusit.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër