Lajme
Krijohet vaksinë e re për pandemitë e ardhshme
Ndërsa më në fund marrim frymë të qetë nga Covid-19, shkencëtarët vazhdojnë të punojnë në mënyrë që pandemia e ardhshme të mos na gjejë të papërgatitur, shkruan focus.it.
Një bashkëpunim i studiuesve nga Universitetet e Kembrixhit, Oksfordit dhe ”Caltech” ka zhvilluar një teknologji vaksine që, te minjtë, është dëshmuar efektive në mbrojtjen kundër një game të gjerë të koronaviruseve në specien tonë.
Qasja, e përshkruar në një artikull të ”Nature Nanotechnology” është pjesë e një disipline të vaksinës së quajtur parandalimi proaktiv, i cili “procedon” duke projektuar sisteme imunizimi edhe përpara se një patogjen të paraqitet, duke kërcënuar shëndetin publik.
Vaksinat konvencionale përfshijnë një antigjen të vetëm (një substancë të huaj për trupin e aftë për të nxitur një përgjigje specifike imune), ose udhëzimet për prodhimin e tij, të cilat stimulojnë sistemin imunitar për të synuar një virus specifik.
Megjithatë, kjo qasje, shumë efektive për një patogjen të vetëm, nuk mbron nga viruset e së njëjtës familje që ende nuk janë shfaqur dhe që mund të kenë karakteristika shumë të ndryshme.
Teknologjia e paraqitur në studim, e quajtur ”Quartet Nanocage”, fut zinxhirë antigjenësh të ndryshëm viralë në organizëm, të bashkuar në një nanogrimcë dhe të mbajtur së bashku nga ndërveprime kimike shumë të forta, në një lloj “ngjitësi proteine”.
Antigjenet e ndryshëm stërvitin sistemin imunitar për të sulmuar rajone specifike të përbashkëta nga tetë koronaviruse të ndryshëm – duke përfshirë SARS-CoV-2 dhe disa koronaviruse të tjerë që qarkullojnë aktualisht te lakuriqët e natës.
Por, të njëjtat rajone të synuara nga vaksina shfaqen edhe në shumë koronaviruse të tjerë të lidhur, duke përfshirë ata që nuk përfaqësohen drejtpërdrejt në vaksinë, si dhe në patogjenë që nuk janë identifikuar ende si të rrezikshëm për njerëzit.
Për shembull, kandidati i ri i vaksinës nuk përfshin antigjene për SARS-CoV-1 (virusin SARS), por është ende i aftë të prodhojë një përgjigje imune kundër tij te minjtë.
Platforma e re është më e thjeshtë se shumë strategji të tjera proaktive të vaksinimit që po studiohen, të cilat duhet të përshpejtojnë kalimin në provat klinike njerëzore.
Për më tepër, e njëjta teknologji mund të shfrytëzohet për të studiuar vaksinat kundër kërcënimeve të tjera përveç koronavirusit.
Të tjera nga Lajme
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Zvicër
-
Si u bë Zvicra vendi nga ku rrjedh qumështi dhe çokollata Herë me humor, herë serioze: Një dokumentar në SRF i kushtohet temës së çokollatës zvicerane. Nga...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard