Italia nuk e bën vaksinën COVID të detyrueshme

Keystone (EPA/MICHAEL REYNOLDS)

Italia nuk do t’i bëjë të detyrueshme vaksinat COVID, tha të mërkurën Kryeministri Giuseppe Conte, duke shtuar se ai ishte i bindur se do të kishte një kërkesë në shkallë të gjerë për t’u vaksinuar mes italianëve mbi një bazë vullnetare.

“Ne nuk jemi duke e konsideruar që ta bëjmë vaksinën të detyrueshme”, u tha Conte gazetarëve në konferencën e tij të shtypit në fund të vitit.

Veçmas, Conte tha se Italia duhet të ngutet në paraqitjen e planit të saj kombëtar të rimëkëmbjes për të arritur rreth 209 miliardë euro nga një fond i BE-së, i krijuar për të ndihmuar ekonomitë e bllokut të goditura më së shumti nga pandemia.

Conte tha se qeveria do të finalizonte dhe do ta paraqiste planin e saj deri në shkurt, shkruan “Reuters”, përcjell albinfo.ch.