Ja cilët burrështetas fitojnë më së shumti

Le Hsien Loong, kryeministër i Singapurit, ka fituar 1.7 milion dollarë, apo mbi katër herë më shumë se Obama

Burrështetasit që fitojnë më së shumti në botë nuk janë domosdoshmërisht shefat e shteteve më të fuqishme të botës. Kështu, njeriu që ka të ardhurat më të mëdha nga të gjithë kryeministrat apo shefat e shteteve të botës nuk është as Barack Obama dhe as Angela Merkel por Le Hsien Loong, që është kryeministër i Singapurit.

Ai ka fituar gjatë vitit të kaluar 1.7 milion dollarë, apo mbi katër herë më shumë se Obama, të ardhurat e të cilit kanë qenë rreth 400 mijë dollarë. Në vendin e tretë të kësaj rangliste të bërë nga CNN Money dhe Bloomberg del se shefi i shtetit të SIngapurit ka fituar sa të gjithë homologët e tij nga vendi i dytë deri në vendin e shtatë të ranglistës, marrë së bashku.

Pas Obama-s në radhë vjen kryeministri i Australisë Tony Abbot me 389 mijë dollarë i cili është dukshëm më i paguar se i katërti në listë, kryeministri i Kanadasë, Stephen Harper që ka marrë “vetëm” 260 mijë dollarë ë emër të pagës.

Dhe, vetëm pas këtyre, në vendin e pestë është shefja e shtetit me ekonominë e dytë ose të tretë në botë, Angela Merkel. Ajo gjatë vitit 2014 ka fituar 234 mijë euro. Pas saj vjen kryetari i Afrikës së Jugut, Jacob Zuma (223 mijë dollarë), kryeministri i Britanisë së Madhe David Cameron (214 mijë dollarë) etj.

Në fund të listës, me një shumë fare modeste në krahasim me të lartpërmendurat vjen kryeministri i Indisë, i cili ka fituar vetëm 30.300 euro për tërë vitin ose rreth 60 gherë më pak se kolegu i tij nga Singapuri.