Ja pse Kaja Kallas nuk do ta vizitojë Kosovën

Foto FB: Kaja Kallas

Përfaqësuesja e Lartë e Politikës së Jashtme të Bashkimit Evropian, Kaja Kallas, do të qëndrojë në Tiranë më 8 prill.

Sa i përket vizitës së saj në Ballkanin Perëndimor, zëdhënësja  e BE-së, Anitta Hipper, ka bërë të ditur arsyen pse Kaja Kallas nuk do ta vizitojë Kosovën e as Serbinë.

Në përgjigjen e saj thuhet se Kallas për shkak të kufizimeve kohore, nuk mund të vizitojë të gjitha vendet e Ballkanit Perëndimor, transmeton albinfo.ch.

“Përfaqësuesja e Lartë e Politikës së Jashtme të BE-së mbetet plotësisht e përkushtuar për të gjithë rajonin dhe vizitat e ardhshme në vendet e tjera tashmë janë duke u planifikuar. Mbështetja e BE-së për stabilitetin dhe integrimin evropian të Ballkanit Perëndimor mbetet një prioritet”, tha ndër të tjera Hipper për klanKosova.