Lajme
Ja sa mërgimtarë votuan në zgjedhjet e Kosovës 2010 – 2019
Numri i votuesve jashtë Kosovës ka shënuar rritje përgjatë viteve. Nga viti 2010, kur janë mbajtur zgjedhjet e para të Kosovës si shtet, është regjistruar numër i vogël i votuesve jashtë vendit. Ky numër është rritur dukshëm përgjatë nëntë vjetëve, përkatësisht deri më 2019, transmeton albinfo.ch.
Duhet theksuar se në vitin 2010, kur Kosova organizoi zgjedhjet e para si shtet, interesimi i votuesve jashtë vendit nuk ishte i madh.
Nga 5 mijë e 15 aplikacione të dërguara me postë, ishin 1 mijë e 640 votues të regjistruar përmes postës, por vetëm 1 mijë e 53 fletëvotime të dërguara me postë, apo shprehur në përqindje, 64.21 për qind.
Pas 4 vjetësh, në zgjedhjet e tjera parlamentare, numri i aplikacioneve të dërguara me postë, i votuesve të regjistruar apo aprovuar përmes postës dhe fletëvotimet e dërguara ishte më i lartë.
Në atë kohë ishin 29 mijë 745 aplikacione të dërguara, 16 mijë e 569 votues të regjistruar/aprovuar përmes postës, 10 mijë e 648 fletëvotime të dërguara përmes postës, apo shprehur në përqindje, 64.26 për qind.
Gjithashtu, në zgjedhjet parlamentare të vitit 2017 pati ulje të numrit të votuesve jashtë Kosovës.
Atë vit ishin 20 mijë e 354 aplikacione të dërguara, 15 mijë e 118 votues të regjistruar përmes postës, 5 mijë e 246 fletëvotime të dërguara përmes postës, apo 34.70 për qind.
Viti 2019 shënoi rënie të numrit të votuesve jashtë vendit. Në këto zgjedhje parlamentare u dërguan 40 mijë e 313 aplikacione përmes postës, 35 mijë e 87 votues të regjistruar apo aprovuar përmes postës.
Por, numri i fletëvotimeve të dërguara përmes postës ishte dyfish më i ulët se ai i aplikacioneve të dërguara.
Vetëm 20 mijë e 200 fletëvotime u dërguan përmes postës, apo 57.57 për qind.
Këto të dhëna janë nga KQZ-ja.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor