Kosova

Ja si Erdogani tenton të fitojë Ballkanin, Prishtina “të nxjerrë” mallin e Stambollit

“Të gjithë këto xhami dhe monumente, për osmanët dhe te turqit e sotëm - janë një simbol i pushtimit,” thotë Norbert Pap nga Universiteti i Pecs, i cili kryen studime për zbulimin e vendit ku vdiq Sulejmani i Madhërishëm.

Turqia kërkon më shumë ndikim në Europën Juglindore, shkruan holandezi Boris Kalnoky për median konservatore gjermane “Die Welt”.
Ata të cilët njohin Turqinë, do të ndjehen në kryeqytetin kosovar, Prishtinë, si në shtëpinë e tyre. Shumica e ndërtimeve moderne, bankave, zyrave janë si në Stamboll – sepse janë ndërtuar nga firmat turke. Edhe aeroporti i Prishtinës të kujton, nga brenda dhe jashtë, një version të vogël të aeroportit të Stambolit, shkruan media gjermane, duke iu referuar edhe thënies së presidentit Rexhep Taip Erdogan më 2013 se “Kosova është Turqi dhe Turqia është Kosovë”.

Ndikimi i Turqisë në vendet e Ballkanit nuk kryhet me armë si në Siri, Irak, Katar, por me kërkesa kulturore dhe religjioze, ndërtimin e shkollave dhe konvikteve, si dhe me investime dhe kredite, përcjell albinfo.ch. Turqia ka investuar në ndërtimin e xhamisë së madhe në Tiranë, e cila do të përfundojë më 2019 dhe ngjashëm edhe në Rumani, ku do ndërtohet një xhami për 2000 besimtarë.

“Të gjithë këto xhami dhe monumente, për osmanët dhe të turqit e sotëm – janë një simbol i pushtimit”, thotë Norbert Pap nga Universiteti i Pecs, i cili kryen studime për zbulimin e vendit ku vdiq Sulejmani i Madhërishëm.

Megjithatë, më tej në artikull shkruan se ekspansioni turk në Europën Juglindore ka stagnuar si pasojë e grushtit të dështuar të shtetit më 2016, krizës së emigrantëve dhe krizës ekonomike në këtë vit.

“Ndërtimi i xhamisë së madhe në Budapesht është pamundësuar që nga kriza e emigrantëve. Viktor Orban që dikur ishte pro ndërtimit, gjatë kësaj kohe u shpall si shpëtimtari i oksidentit nga emigrantët dhe tash nuk mund të lejojë ndërtimin e xhamisë”, përcjell albinfo.ch.

Përkundër krizës financiare, nuk është e qartë sesi qeveria turke ta arrijë qëllimin e trefishimit të investimeve turke në Serbi – nga 1.7 miliardë dollarë, në pesë miliardë. Por, politikisht, ëndrra e Erdoganit në rajon duhet të shpërthejë. Kosova, Bosnja dhe Shqipëria kërkojnë të anëtarësohen në BE, e cila jep më shumë para dhe perspektivë sesa gjendja e Turqisë, shkruan në fund të artikullit.