Ja si ndahet “kulaçi” i Qeverisë Haradinaj!

Partia e Behgjet Pacollit do ta ketë zëvendëskryeministrin e parë dhe pesë ministri, përfshirë edhe Ministrinë e Punëve të Jashtme dhe atë të Brendshmen

Marrëveshja e arritur dje pasdite në mes të koalicionit PAN (PDK-AAK-NISMA) dhe Aleancës Kosova e Re të Behgjet Pacollit ka ndarë edhe hisen e secilës parti në postet ministrore. Kështu partia e Behgjet Pacollit do ta ketë zëvendëskryeministrin e parë dhe pesë ministri, përfshirë edhe Ministrinë e Punëve të Jashtme dhe atë të Brendshmen.

AKR-ja, siç raporton RTK, do të udhëheq me Ministrinë e Punëve të Jashtme, atë të Punëve të Brendshme, Ministrinë e Planifikimit Hapësinor, të Bujqësisë dhe Ministrinë e Zhvillimit Ekonomik.

Partia Demokratike e Kosovës e Kadri Veselit do të ketë një zëvendëskryeministër dhe gjashtë ministri. Ministria e Financave, Ministria e Drejtësisë, Ministria e Integrimeve Evropiane, Ministria e Diasporës, Ministria e Kulturës dhe Ministria për Dialog.

Aleanca e Ramush Haradinajt do të udhëheq me Ministrinë e Shëndetësisë, Infrastrukturës dhe Ministrinë e Forcës dhe Sigurisë së Kosovës (FSK) si dhe postin e kryeministrit.

NISMA-s  do t’i takojnë Ministria e Arsimit, e Tregtisë dhe të Industrisë, si dhe Ministria e Punës dhe të Mirëqenies Sociale dhe një zëvendëskryeministër. Kurse Listës Serbe do të udhëheq me Ministrinë për Kthim dhe Komunitete dhe atë për Administrimin e Pushtetit Lokal, do ta udhëheq Lista Serbe, derisa një ministri do t’i jepet minoriteteve tjera.