Januzaj, më afër Kosovës

Mediat belge janë të bindura se Adnan Januzaj do të luajë për Kosovën dhe do të lë Belgjikën

Adnan Januzaj, gjithnjë e më afër Kosovës. Mediat belge janë të bindura se Adnan Januzaj dëshiron të luajë për Kosovën. Futbollisti kosovar nuk është në formë shumë të mirë fizike, por është lodhur duke qëndruar në stol te Belgjika, madje kishte raste kur nuk ftohej fare nga trajneri Marc Wilmots, shkruan albinfo.ch.

Kjo është arsyeja që futbollisti i Manchester Unitedit, sipas mediave belge, do të kërkojë ta ndërrojë Përfaqësuesen, duke luajtur për Kosovën, sapo kjo e fundit të pranohet në FIFA.

21-vjeçari zgjodhi Belgjikën pak muaj para Botërorit 2014, ku edhe ishte ftuar, por mund të mbetet pa shkuar në “Euro 2016”, për shkak të formës jo të mirë.

Por, ish-futbollisti i Anderlechtit, i cili qëndroi gjashtë muaj huazim në Borussia Dortmund, mund të luajë në kualifikimet për Botërorin e Rusisë në fanellën e Përfaqësueses së Kosovës