Java e kartonave të verdhë për shqiptarët

Në xhiron e 23-të të Super ligës zvicerane në futboll, në ndeshjen Grasshopper-Young Bois, në fitoren e vendësve 3:2, ndihmuan edhe Amir Abrashi, i cili luajti tërë kohen dhe Vullnet Basha, i cili u aktivizua në minutën e 70-të.

Në ndeshjen Sion-St.Gallen 2:0, Kristian Nushi i ekipit St.Galen-it, luajti deri në minuten e 87-të, ndërsa në ndeshjen Basel-Zurich, që përfundoi me rezultat 3:1, në radhët e Baselit, Xherdan Shaqiri dhe Granit Xhaka luajtën tërë ndeshjen, të cilët edhe nuk shpëtuan pa kartona të verdhë, kurse Taulant Xhaka ishte në bankën e rezervsitëve të skuadrës së Baselit duke mos luajtur fare. Një futbollist tjetër shqiptar, Beg Ferati nuk ishte ftuar në ndeshje për shkak të një lëndimi. 

Te Cyrihu, Admir Mehmeti luajti gjatë tërë lojës dhe u ndëshkua me karton të verdhë në minutën e 21-të, ndërsa Adrian Nikçi nuk u ftua fare.

Në ndeshjen, Thun -Lucerne 3 : 3, Muhamed Demiri, për ekipin e Thunit luajti gjatë tërë ndeshjes, ku edhe u ndëshkua me karton të verdhë në minutën e 2-të.

Ndërsa Milaim Rama për shkak të lëndimit nuk është ftuar fare. Në ekipin e Lucernit, Burim Kukeli, ka qenë aktiv në ndeshje dhe po ashtu është ndëshkuar në minutën e 65-të me karton të verdhë.