Jetëgjatësia e baterisë së iPhone 13, fokusi kryesor

Zyrtarët nga Apple bënë të ditur se iPhone 13 do të ketë përmirësime të dukshme në bateri.  Kjo pasi që, me iphone 12 nuk mori ndonjë përmirësim sa i përket madhësisë së baterisë, ose asaj se çka cilësohet si më e rëndësishmja, jetëgjatësisë së baterisë, transmeton albinfo.ch.

Seria iPhone 11 Pro ka një bateri 3,046mAh me një jetëgjatësi të reklamuar prej 18 orësh, ndërsa iPhone 12 Pro ka një bateri më të vogël, 2,815mAh me 17 orë jetëgjatësi të reklamuar.

Por kjo mund të ndryshojë me iPhone të ardhshëm 13. Leaker L0vetodream postoi shifrat e kapacitetit të baterisë për modelet e iPhone 13, dhe ato duken me performancen më të mirë sesa në modelet e iPhone 12, transmeton Cbc.al.

Thuhet se iPhone 13 mini do të ketë një bateri 2,406mAh, iPhone 13 dhe iPhone 13 Pro do të kenë një bateri 3,095mAh, ndërsa iPhone 13 Pro Max do të ketë një bateri 4,352mAh.

Për krahasim, iPhone 12 mini ka një bateri 2,227mAh, iPhone 12 dhe iPhone 12 Pro të dy kanë një bateri 2,815mAh, dhe iPhone 12 Pro Max ka një bateri 3,687mAh, ku iPhone 13 Pro Max do të këtë performancën më të mirë në këtë radhë.