Julian Assange,do të lëvizë së shpejti

Themeluesi i Wikileaksit njofton se dëshiron ta braktisë sa më shpejt ambasadën ekudoriane në Londër

Themeluesi i platformës zbuluese Wikileaks, Julian Assange, nuk dëshiron të qëndrojë më gjatë në ambasadën ekudorian në Londër. „Unë do të largohem së shpejti nga ambasada“, tha 43 vjeçari në një konferencë për media. Detaje konkrete rreth planit e kohës së braktisjes australiani nuk i zbuloi.

Përveç arsyetimit se qëndrimi i gjatë në ambasadë ka lënë pasoja shëndetësore, arsye të tjera ai nuk ka dhënë.

Mediet më parë kanë spekuluar se ai ka pasur probleme serioze me zemër dhe mushkëri, gjë që detyron atë kërkojë shërbim spitalor.

Në qoftë se Assange e lëshon ambasadën, rrezikohet të arrestohet. Ai ka më tepër se dy vite që jeton në ambasadën ekudoriane në Londër për t’ju shmangur transferimit në Suedi. Atje ai akuzohet për dhunim dhe ngacmim seksual. Aktivisti i botës virtuale i hedh poshtë këto akuza.