Integrimi
Ka filluar gjykimi i parë për terrorizëm islamik në Gjermani, ai kundër Kreshnik B.
Gjykatësi paralajmëron masa lehtësuese nëse i akuzuari pranon veprën. Në atë rast ai, sipas procedurës për të rinj, do të dënohej me deri në 4 vjet e 4 muaj burg
Ka filluar sot në Frankfurt, nën masa të forta sigurie gjykimi kundër Kreshnik B., i lindur në Homburg të Gjermanisë dhe me prejardhje nga Kosova, të dyshuar si pjesëtar i organizatës terroriste islamike që lufton për shtetin islamik (IS). Ai është arrestuar në dhjetorin e vitit të kaluar me rastin e kthimit në Gjermani nga Siria.
Është ky gjykimi i parë që zhvillohet në Gjermani kundër një të dyshuari për terrorizëm islamik. I dyshuari akuzohet për pjesëmarrje ë një organizatë terroriste dhe për përgatitjen e një akti të rëndë me rrezikshmëri shoqërore jashtë vendit. Për këtë arsye, siç shkruajnë mediet gjermane, ky proces ka zgjuar interesim të madh në opinion. Për të ndjekur gjykimin që po zhvillohet në Gjykatën e Lartë të Landit në Frankfurt, kanë ardhur edhe shumë gazetarë nga vende të ndryshme të botës.
Në ditën e parë të procesit Kreshnik B. ende nuk e ka dhënë deklaratën e tij. Ndërsa avokati i tij ka paralajmëruar se ai do ta bëjë këtë në procesin e të premtes.
Pas leximit të aktakuzës janë dëgjuar dy inserte nga bisedat telefonike. Në njërin prej tyre dëgjohet një familjar i cili i thotë Kreshnikut “Ti je i ri, i marrë dhe naiv”.
Prokuroria Federale beson se personi i akuzuar, i shtyrë nga qëndrimet e tij radikale religjioze ka qenë për rreth gjysmë viti pjesëtar i IS.
Sipas akuzës, ai, në korrik të vitit 2013 kishte shkruar në Siri, përmes Stambollit. Pas një trajnimi në përdorimin armëve atij i është besuar një armë zjarri dhe pastaj ka shërbyer në shërbimin sanitar dhe në roje. Ai po ashtu ka marrë pjesë në aksione luftarake që kanë zgjatur disa ditë.
Sipas ligjit gjerman, Kreshnik B. mund të marrë dënim deri në 10 vjet burg. Por, gjykatësi ka paralajmëruar masa lehtësuese në rast se i akuzuari pranon veprën. Në atë rast ai do të merrte një gjykim më të lehtë, sipas procedurës për të rinj. Kjo nënkupton dënimin prej 3 vjet e 3 muaj deri në katër vjet e 3 muaj burg të 20 vjeçarit.
Procesi kundër tij është ndarë në shtatë ditë dhe pritet të zgjasë deri në muajin nëntor.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat