Integrimi
Kadire Idrizi dhe Meral Kureysh flasin për të rinjtë “me dy atdhe”
“Dy kultura në një zemër: a të bën kjo njeri pa atdhe?” është pyetja dhe motoja e emisionit të sontëm që jepet në orën 20,
Sonte në emisionin “Forum” të radios SRF1 të transmetuesit publik të Zvicrës, të rinj me prejardhje të huaj flasin në lidhje me përditshmërinë e tyre si njerëz me “dy identitete” në Zvicër. Kjo përditshmëri është e karakterizuar nga shumë veçori të ndryshme. Nga njëra anë tradita e sjellë nga vendi i prejardhjes e nga ana tjetër realiteti i jetuar në Zvicër: si ia dalin njerëzit e rritur në dy kultura? “Dy kultura në një zemër: a të bën kjo njeri pa atdhe?” është pyetja dhe motoja e emisionit të sontëm që jepet në orën 20, transmeton albinfo.ch.
Në mesin e disa të rinjve dhe të rejave me prejardhje të huaj, në këtë emision merr pjesë edhe Kadire Idrizi, punëtore sociale me rrënjë nga Tetova dhe Meral Kureysh, shkrimtare e re nga Kosova, (Prizreni) pjesëtare e minoritetit të atjeshëm turk.Të dyja jetojnë në Zvicër nga mosha e fëmijërisë. albinfo.ch ka përcjellë në vazhdimësi aktivitetin e të dyjave.
Kadirja jeton në Cyrih ndërsa Meral në Bernë.
Kadire Idrizi ka ardhur në Zvicër në vitin 1991, në moshën 14 vjeçare, si bashkim familjar. Ajo punon në Departementin Social të Cyrihut si menaxhere e konflikteve dhe po ashtu si punëtore sociale në shkollat fillore dhe entet parashkollore të Spreitenbach-ut. Ndërsa Meral Kureysh ka pasur 10 vjet kur me familjen është shpërngulur në Zvicër. Vitin e kaluar ajo ka qenë në rrethin e ngushtë për të fituar çmimin letrar të vitit me librin “Elefanten in Garten”.
Përveç tyre, në këtë emsion, lidhur me përvojat e tyre flasin edhe Saambavi Poopalapillai, studente me prejardhje nga Sri Lanka dhe Chanthajone Phongsanith me prejardhje nga Laosi.
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla