Lajme
Kantoni Valis josh turistët me kuponë prej 100 frangash
Valisi ka vendosur që me një promovim me vlerë 10 milionë frangash të ngjallë sezonin turistik të verës dhe atë të vjeshtës
Sikurse në gjithë botën dhe në Zvicër, pandemia e koronavirusit edhe në Kantonin e Valisit ka shkaktuar dëme të mëdha veçanërisht në sferën e turizmit. Për këtë arsye ky kanton, ekonomia e të cilit varet shumë nga të ardhurat që sjellin mysafirët, dëshiron të ringjallë turizmin vendor, shkruan srf.ch.
Kështu Valisi ka vendosur që me një promovim me vlerë 10 milionë frangash të ngjallë sezonin turistik të verës dhe atë të vjeshtës, transmeton albinfo.ch. Vizitorët që do të qëndrojnë në Valis nga 27 korriku deri më 15 dhjetor, mund të përfitojnë.
Të gjitha qëndrimet në Valis gjatë periudhës së specifikuar, të paktën dy netë radhazi në ndonjërin nga hotelet pjesëmarrëse në këtë promovim, katër net në një apartament pushimi ose shtatë net në një vend kampingu, ju japin të drejtën e një kuponi prej 100 frangash, përcjell albinfo.ch.
Kuponi mund të shpenzohet në dyqanet pjesëmarrëse në aksion dhe tek partnerët e këtij aksioni të promovimit, ka njoftuar të hënën zyra e Kantonit të Valisit.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit