Kapet Jackpoti 32 milionësh, nuk dihet asgjë për fituesin

“Jackpot” i dyti më i madh në historinë e lotarisë zvicerane është kapur nga një fatlum, për të cilin ende nuk dihet asgjë në Zvicër

Lojtari me fat ka fituar jo më pak se 32 milionë franga. Por nuk dihet asgjë për të, përveç se ka blerë tiketën me numrat fitues: 2. 13. 17. 30. 34. 38, në Zvicrën lindore.

Saktësisht 32’333’350 franga janë fituar me një tiketë në vlerë prej 60 centë. Bëhet fjalë për Jackpotin e dytë më të madh të fituar ndonjëherë në historinë e lotarisë zvicerane.

Jackpoti më i madh i fituar daton nga viti 2010. Atë kohë ishin fituar 35.8 milionë franga.