Lajme
Kardiologu shqiptar kritikon Institutin Kombëtar të Shëndetësisë Publike në Kosovë
Kardiologu shqiptar, Fahri Beqa, i cili jeton dhe punon prej 12 vjetëve në Berlin, përmes një postimi në Facebook ka reaguar ndaj njoftimeve të IKSHPK-së, në të cilat thuhet se viktimat nga COVID-19 kanë pasur edhe sëmundje të tjera shoqëruese.
Sipas tij, kjo nuk është e vërtetë, pasi jo të gjithë personat që kanë ndërruar jetë nga ky infeksion kanë pasur edhe sëmundje të tjera shoqëruese.
Ai shton se vetë, personalisht ka njohur tre persona që kanë vdekur nga COVID-19 e që s’kanë pasur sëmundje të tjera.
“IKSHP definitivisht duhet ta largojë nga lajmërimi i përditshëm i rasteve të reja pozitive me Sars-Cov2 dhe të vdekurve nga COVID-19 pjesën e fjalisë ku thuhet “të vdekurit kanë pasur edhe sëmundje të tjera shoqëruese. Të paktën personalisht i kam njohur 3 persona që kanë vdekur nga COVID-19 dhe nuk e kanë pasur asnjë sëmundje shoqëruese”, thotë Beqa, njofton albinfo.ch.
Beqa thekson se ky veprim tingëllon edhe si relativizim apo arsyetim i vdekjeve. Sipas tij, Covid-19 prek të gjitha moshat. Po ashtu të gjithë pacientët me apo pa sëmundje shoqëruese mund të përfundojnë me fatalitet.
Beqa thotë se me këtë formë të raportimit IKSHPK po ofendon rëndë për viktimën dhe familjen.
“Prandaj, kjo pjesë e fjalisë duhet të hiqet, përndryshe shpërndarja e pasaktë e informacioneve për të vdekurit nga një institucion shëndetësor është ofendim i rëndë dhe mund të ketë edhe konsekuenca juridike që mund të inicohen nga familjarët e të vdekurve”, ka shkruar Beqa në Facebook.
Të ngjashme
Opinione tjera
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën