Kearns: Britania të fokusohet urgjentisht në Ballkan, Vuçiqi po bën plane për aneksimin e veriut të Kosovës

Alicia Kearns, FB

Deputetja e Britanisë së Madhe, Alicia Kearns, ka reaguar pas deklaratave të së premtes të presidentit serb, Aleksandër Vuçiq.

Përmes një postimi në rrjetin social “Twitter”, ajo ka kërkuar nga Qeveria e Mbretërisë së Bashkuar që, pas prononcimit të djeshëm të Vuçiqit, të fokusohet urgjentisht në Ballkan.

“Pas deklaratave të mbrëmshme të presidentit Vuçiç, Qeveria e Mbretërisë së Bashkuar duhet të fokusohet urgjentisht në Ballkan. Pothuajse një vit nga sulmi i Banjskës ende nuk ka drejtësi, dhe përkundër bashkëpunimit të shtetit serb ende nuk ka sanksione nga BE-ja (vetëm marrëveshje për litium dhe avionë). Vuçiq po thirret në librin e lojërave të Putinit që përcakton se çfarë planesh për aneksimin e veriut të Kosovës. Kosova është shtet sovran. Ballkani duhet të largohet nga botëkuptimet sektare, populli i Kosovës veriore dhe serbët e Kosovës meritojnë më mirë, të mos përdoren si pengje në ambiciet irredentiste”, ka shkruar ajo, transmeton albinfo.ch.

Ndryshe, Kearns korrikun e vitit 2023, dy muaj para sulmit në Banjskë, pati paralajmëruar për një sulm të mundshëm në veri të Kosovës, pasi kishte alarmuar se në Kosovë po hyn armatim nga Serbia përmes autoambulancave.

Following last night’s statements by President Vučić the UK Govt needs to urgently focus on the Balkans.

Almost a year since the Banjska attack there is still no justice, and despite the complicity of the Serbian state still no sanctions from the EU (only lithium and jet deals).…

— Alicia Kearns MP (@aliciakearns) September 14, 2024