Këto janë markat më të vlefshme në botë

Në përgjithësi janë kompanitë amerikane që mbizotërojnë listën në fjalë. 5 vendet  e para u takojnë amerikanëve, ndërsa 4 syresh i takojnë teknologjisë informative

Marka më e vlefshme në botë është ajo e gjigantit amerikan të teknologjisë ingformative, Apple. Vlera e saj aktualisht llogaritet në rreth 234 miliardë dollarë. Kjo mund të mësohet nga studimi vjetor i firmës që bën hulumtime të tregut, Interbrand, shkruan srf.ch.

Në përgjithësi janë kompanitë amerikane që mbizotërojnë listën në fjalë. 5 vendet  e para u takojnë amerikanëve, ndërsa 4 syresh i takojnë teknologjisë informative, transmeton albinfo.ch. Kështu, Apple pasohet nga Google, Amazon dhe Microsoft. Këto marka kanë shënuar rritje gjatë vitit të kaluar. Ndërkaq në vendin e pestë kemi një industri të llojit tjetër. Është fjala për Coca-Cola-n, edhe ajo amerikane.

Në listën globale të 100 markave më të vlefshme në botë zënë vend edhe dy marka zvicerane: fjala është për Nescafé që zë vendin e 38-të dhe Nestlé, vendin e 60-të.

Interbrand për të bërë këtë ranglistë ka llogaritur vlerën e markës bazuar në shifrat e biznesit, ndikimin e markës tek klientët si dhe ka bërë një vlerësim të aftësisë së akëcilës markë për të gjeneruar fitime në të ardhmen.

---