Shifrat e dështimit të PSD-së në zgjedhjet parlamentare

Asnjëri nga ish 12 deputetët e Partisë Social Demokrate nuk ka arritur të bëhet përsëri deputet

Siç është parë tashmë, asnjëri nga ish 12 deputetët e Partisë Social Demokrate nuk ka arritur të bëhet përsëri deputet. Këtë nuk e ka arritur as kryetari i partisë, Shpend Ahmeti, kryetar aktual i Prishtinës.

Rreth dy vjet më parë ata ishin ndarë nga Lëvizja Vetëvendosje dhe kishin vazhduar mandatin e tyre në Parlament, si grup i veçantë parlamentar.

PSD megjithatë do ta ketë një deputete në Parlament. Ajo është Natyra Kuçi, e cila me 4,400 vota ka përfituar nga kuota për femra, ka siguruar vendin në këtë legjislaturë të Parlamentit të Kosovës.

Siç dihet, Koalicioni AAK-PSD ka siguruar 14 ulëse në Kuvendin e Kosovës.

Më poshtë mund ta gjeni votat e 15 kandidatëve të PSD-së, ga 24 kandidatë sa i kanë pasur në listën e koalicionit me AAK-në.

Visar Ymeri, 5,418

Shqipe Pantina, 2,182

Dukagjin Gorani, 1,500

Salih Salihu, 1,821

Besa Baftiu, 2,660

Kaqusha Jashari, 839

Dardan Sejdiu, 4,652

Natyra Kuçi, 4,452

(E votuar për deputete)

Shyqiri Bytyqi, 2,323

Gëzon Kastrati, 3,710

Fisnik Ismaili, 1,722

Dardan Molliqaj, 4,083

Driton Çaushi, 2,085

Shpend Ahmeti, 5,881

Frashër Krasniqi, 4,004.

---