Kneissl nesër viziton Tiranën, pasnesër në Podgoricë

Ministrja e jashtme austriake Kneissl

Ministrja e jashtme e Austrisë Karin Kneissl (FPÖ), gjatë kësaj jave do jetë përsëri në udhëtim zyrtar drejt Ballkanit. Siç ka bërë me dije vetë zyra e ministrisë së jashtme për APA, Kneissl nesër (e enjte) do udhëtojë drejt Tiranës ku do takohet me kolegun e saj shqiptar Ditmir Bushati; kurse të premten do qëndrojë në Podgoricë ku do zhvillojë një bisedë me ministrin e jashtëm malazez Srdjan Darmanovic, shkruan albinfo.ch.

Takimet kanë të bëjnë rreth afrimit të këtyre vendeve me Bashkimin Europian dhe mbi të gjitha sesi vendet e rajonit të ndihmojnë njëri-tjetrin. Më parë Kneissl vizitoi edhe vendet si Kroacia, Bosnja, Maqedonia, Serbia dhe Kosovën.