Kuriozitete
Koleksioni i 18 superveturave pritet të shitet për më shumë se 40 milionë euro
Një koleksion i 18 super veturave dhe veturave garuese me vlerë të madhe pritet që të futen në ankand në Mbretërinë e Bashkuar – me vlerën e kombinuar të shitjes që pritet të kalojë shifrën e mbi 40 milionë eurove.
E listuar nga shtëpia e ankandeve RM Sotheby, “Koleksioni Gran Turismo” përfshinë 18 vetura të listuara individualisht nga një pronar anonim britanik, me vetura të ndryshme që pritet të shiten nga 258 mijë euro dhe 5 milionë euro secila, përcjell Albinfo.ch.
Vetura me vlerën më të madhe nga kjo listë është një Bugatti Chiron Super Sport 2022 – e cila pritet që të shitet në vlerën e 5 milionë eurove, rreth dy të tretat më shtrenjtë se çmimi i saj origjinal prej 2.88 milionë eurove, raporton Drive.
Bugatti Chiron Super Sport i bashkëngjiten edhe 2 modele të tjera nga prodhuesi francez i hiper-veturave, një EB110 GT i vitit 1993 dhe një EB110 Supersport i vitit 1996, me çmimet të cilat pritet të arrijnë 2.25 milionë euro dhe 3.40 milionë euro.
Në listën e 18 veturave të listuara në këtë ankand, 8 prej tyre janë Ferrari, 5 super vetura me ngjyrë të kuqe dhe me motor të vendosur në mesin e veturës si 288 GTO, F40, F50, Enzo dhe një LaFerrari, dhe tre “grand tourers” të verdhë me motorin e vendosur në pjesën e përparme si 550 Barchetta Pininfarina, Superamerica dhe një 599 SA Aperta.
Veturat tjera përshijnë modele si Lamborghini Miura SVv 1971 dhe Lamborghini Countach LP5000 S 1984. Pastaj vijnë edhe dy vetura të markës britanike Jaguar si XJR-15 i vitit 1991 dhe 1993 XJ220 S i vitit 1993.
Këtij grupi i bashkëngjiten edhe dy vetura të tjera nga markat italiane Lancia, modele si Lancia 037 e vitit 1982 dhe një Lancia Delta S4 e vitit 1985, dhe vetura nga marka gjermane e Audi-së, një Audi Quattro S1 E2 e vitit 1985.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore