Lajme

Komisioni Evropian, mesazh të qartë për Serbinë që mohon Masakrën e Reçakut

Zëdhënësja e Komisionit Evropian, Ana Pisonero në 21 vjetorin e Masakrës së Reçakut ka thënë se mizoria e kryer në Reçak është shumë mirë e dokumentuar dhe nuk mund të mohohet.

Pisonero, përmes profilit të saj në Twitter, ka shkruar se mohimi dhe tentimi për të ndryshuar faktet janë të kundërtua me vlerat e Bashkimit Evropian.

“Çfarë ka ndodhur në Reçak dhe mizoritë që janë kryer atje në janar 1999 janë mirë të dokumentuara. Mohimi dhe revizionizmi janë të kundërta me vlerat e Bashkimit Evropiand dhe projektin për integrim të Ballkanit Perëndimor. Vlerësimi i sinqertë dhe i mirëfilltë i të kaluarës është i nevojshëm ndaj respektit për viktimat”, ka shkruar zëdhënësja e Komisionit Evropian.

Sot kur po përkujtohet 21-vjetori i Masakrës së Reçakut, Presidenti i Serbisë, Aleksandër Vuçiq, e kishte quajtur trillim dhe ngjarje e fabrikuar nga ambasadori i OSBE-së, William Walker.

Walker, i cili në janar të vitit 1999 kishte shkuar personalisht në Reçak për të parë nga afër masakrën e kryer nga forcat serbe, e kishte quajtuar krim kundër njerëzimit, shkruajnë mediat kosovare, përcjell albinfo.ch.