Lajme
Mbikëqyrja e tepërt e punëtorëve, e papranueshme
Kompanitë kanë gjurmuar punonjësit sidomos gjatë pandemisë për të monitoruar punën e tyre
Përdorimi i inteligjencës artificiale, e njohur ndryshe edhe si AI, Artificial Intelligence, u shtua gjatë pandemisë, sipas deklaratës së fundit të një prej sindikatave më të mëdha në Evropë.
Ekspertët thonë se kanë identifikuar disa praktika goxha ngjethëse të përdorura nga kompanitë për të monitoruar punonjësit e tyre.
“Shohim se janë përdorur disa algoritme që janë vënë në punë për të gjurmuar hapat e ndërmarrë nga punonjësit që u detyruan të punojnë online gjatë pandemisë”, shpjegon Isabelle Schömann, eksperte pranë ETUC.
“Të dhëna, si orët e punës; apo sa herë është prekur tastiera prej tyre, për shembull, që vë në punë gjurmimin biometrik, janë absolutisht të papranueshme. Nuk mund të bësh “vëllain e madh” në çdo dimension të mundshëm, ndaj ne mendojmë se kjo mbikëqyrje po fillon të bëhet krejtësisht e pavend”.
Përdorimi i inteligjencës artificiale nga bizneset po vihet në punë masivisht, vitet e fundit madje një studim i fundit ka treguar se 55% e drejtuesve të burimeve njerëzore në SHBA përdorin algoritme parashikuese kur rekrutojnë punonjës të rinj.
Në këto raste sistemet e inteligjencës artificiale thuhet të ulin normën e paragjykimeve që shihet si dobësi tek njerëzit, ama në të njëjtën kohë ato mund të krijojnë dhe forma krejtësisht të reja diskriminimi.
Shumë ligjvënës në BE mendojnë se këto praktika invazive që ndërmerren në emër të sigurisë po bëhen në kurriz të të drejtave themelore të njeriut.
“Duhet të investojmë më tepër në sigurinë publike. Duhet gjetur një balancë, pasi një fije e hollë i ndan mbledhjen e të dhënave personale në emër të sigurisë më të mirë nga ruajtja e të drejtës së privatësisë dhe lirisë së shprehjes”, tha deputetit bullgar, Petar Vitanov, për Euronews./Euronews
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane