Komuna e Tuzit feston ditën e komunës për herë të parë

Shqiptarët e Malësisë sot festuan për herë të parë Ditën e Komunës së Tuzit.

Presidenti i Kosovës Hashim Thaçi ka uruar kryetarin e Komunës aë Tuzit me anë të një postimi në Facebook.

“E uroj kryetarin Nikë Gjeloshaj dhe gjithë tuzjanët në këtë ditë të rëndësishme, e cila u arrit falë përpjekjeve shumëvjeçare të shqiptarëve në Mal të Zi”, ka shkruar Thaçi.

Tutje Thaçi ka shkruar se:”Tuzi ka qenë gjithmonë qendër e rëndësishme administrative, kulturore dhe tradicionale për malësorët shqiptarë, por me punën dhe përkushtimin e ri, ai do të bëhet shumë shpejt edhe një qytet modern”.

“Jam i lumtur që shqiptarët atje po vazhdojnë ta japin kontributin e tyre për bashkëjetesën dhe të ardhmen euroatlantike të Malit të Zi dhe gjithë rajonit tonë”, ka shkruar Thaçi.