Lajme
Konfirmohen dy raste të variantit Omikron në Gjermani dhe një në Itali
Autoritetet bavareze kanë njoftuar se bëhet fjalë për dy persona që kanë hyrë nga Afrika e Jugut nëpërmjet aeroportit të Mynihut më 24 nëntor
Dy raste të dyshuara të variantit të ri të virusit Omikron janë konfirmuar në landin e Bavarisë, Gjermani.
Ministria e landit Bavarez për Shëndetësinë dhe Kujdesin ka njoftuar se bëhet fjalë për dy persona që kanë hyrë nga Afrika e Jugut nëpërmjet aeroportit të Mynihut më 24 nëntor.
Ata janë në izolim shtëpiak që nga 25 nëntori pas një testi PCR pozitiv, transmeton albinfo.ch. Pas raportimit për variantin e ri, të dy personat kanë kërkuar vetë, në mënyrë proaktive një ekzaminim të variantit.
Ndërkohë, një laborator në Itali, me rastin e bërjes së sekuencës së gjenomit, ka zbuluar variantin omikron të koronavirusit. Mostra do të ekzaminohet për konfirmim të mëtejshëm për të caktuar përfundimisht origjinën në B.1.1.529, thonë në Institutin e Lartë të Shëndetit (ISS) në Romë.
Një laborator në Milano kishte sekuencuar gjenomin nga një mostër e një gruaje nga Mozambiku, e cila rezultoi pozitive, përcjell albinfo.ch. Ajo, sipas agjencisë së lajmeve Ansa, kishte mbërritur në Milano disa ditë më parë me avion. Gruaja në fjalë dhe anëtarët e familjes që jetojnë në rajonin jugor italian të Campania janë në gjendje të mirë shëndetësore, thonë në ISS.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit