Konsullja e Kosovës në Gjenevë viziton ekspozitën e Anjesa Dellovës në Galerinë Fabienne Levy

Udhëheqësja e Konsullatës së Republikës së Kosovës në Gjenevë, Floreta Kabashi, së bashku me zëvendëskonsullen Fjolla Hajzeraj, vizituan sot Galerinë Fabienne Levy, ku po ekspozohet punimet e artistes me origjinë nga Kosova, znj. Anjesa Dellova, në ekspozitën e titulluar “Finding Words, Fighting Words”.

Ekspozita përfaqëson një moment të rëndësishëm në karrierën artistike të znj. Dellova, duke sjellë në një harmoni të veçantë trashëgiminë kulturore të Kosovës me praktikën bashkëkohore artistike.

“Krenaria jonë më e madhe është të shohim të rinjtë e diasporës që promovojnë emrin e Kosovës përmes artit, kulturës dhe krijimtarisë së tyre”, u shpreh konsullja Kabashi gjatë vizitës.

Ekspozita është një shembull i suksesshëm i bashkëpunimit kulturor ndërkombëtar dhe tregon ndikimin e artistëve të rinj të diasporës në skenën ndërkombëtare.