Kosova, me anëtarësi të plotë në Asamblenë Parlamentare të BEJ-së

Kosova është bërë anëtare e Asamblesë Parlamentare të Procesit të Bashkëpunimit të Evropës Juglindore. Këtë e ka bërë të ditur përmes profilit të vet të facebook-ut kryetari i Kuvendit të Kosovës Kadri Veseli.

“Sot, në konferencën e Asamblesë Parlamentare të Procesit të Bashkëpunimit të Evropës Juglindore që u zhvillua në Tiranë, Kosova u pranua si anëtare me të drejta të plota dhe të barabarta me të gjitha shtetet anëtare të kësaj Asambleje. Ishte një vendim konsensual i vendeve anëtare që Kosova të jetë pjesë e Asamblesë Parlamentare të Procesit të Bashkëpunimit të Evropës Juglindore. Kjo shpreh më së miri vlerësimin për progresin që ka shënuar shteti ynë, si dhe vlerësimin e faktit se Kosova është një faktor i paqes, stabilitetit dhe zhvillimeve pozitive në rajonin tonë”, thotë eVeseli në postimin e tij në fb.