Kosova ndalon aktivitetet e shoqatave të mbështetura nga Katari

Katari në anën tjetër thotë se shoqatat kanë ushtruar aktivitetin në bazë të ligjit të vendit, në këto raste të vendeve të varfëra dhe të sapo dala nga konflikti i armatosur, shkruan albinfo.ch.

Autoritetet në Kosovë kanë ndaluar të gjitha aktivitetet e shoqatave dhe organizatave në vend të cilat financohen nga “Qatar Charity”. Siç shkruajnë mediat e gjirit, si english.alarabiya.net, ndalesa vjen si pasojë e evidencave të aktivitetit ilegal dhe financimit të terrorizmit, përcjell albinfo.ch.

Nga qeveria e Kosovës bëjnë me dije se supendimi vjen edhe si pasojë e “konfliktit të interesit mes aktiviteteve të këtyre shoqatave dhe interesit të Republikës së Kosovës.”

Katari në anën tjetër thotë se shoqatat kanë ushtruar aktivitetin në bazë të ligjit të vendit, në këto raste të vendeve të varfëra dhe të sapo dala nga konflikti i armatosur.

Ndalesa e këtillë nga Prishtina mund të ketë ardhur si pasojë e luftës diplomatike mes Katarit dhe vendeve tjera të Gjirit. Arabia Saudite, Bahrejni, Emiratet, Egjipti dhe Maldivet kanë bojkotuar ekonomikisht vendin e vogël por mjaft të pasur të Katarit.

---