Futboll
Kosova, në bisedime me dy lojtarë të rinj
Së fundi, menaxheri i Kosovës, Bajram Shala, ka bërë të ditur se procedurat për një prurje të re në ekipin kombëtar janë shumë afër kompletimit, përderisa shtoi se Kosova është në bisedime edhe me dy lojtarë të tjerë.
Tifozët e Kosovës janë mësuar që në çdo grumbullim të ri të ekipit kombëtar të ketë edhe lojtarë të rinj, të cilët i bashkohen ëndrrës së Dardanëve për t’u bërë njëra ndër Kombëtaret më të mëdha.
Thuhet se menaxheri i Kosovës, Bajram Shala, është vazhdimisht në kontakt me lojtarë me origjinë shqiptare që luajnë jashtë Kosovës për t’i bindur ata ta përfaqësojnë ekipin kombëtar.
Një gjë e tillë po ndodh edhe për momentin, pasi që Shala ka zbuluar se Kosova është drejt përfundimit të procedurave për një prurje të re, ndërsa është në bisedime edhe me dy lojtarë të tjerë.
“Jemi biseduar me disa lojtarë. Tashmë veçse i kemi filluar procedurat për të paktën një lojtar. Emrat i tregojmë kur ta marrin pasaportën dhe vendoset të luajnë definitivisht për Kosovën”, ka thënë Shala në emisionin sportiv “Favorit” në T7.
“Po flasim për Kombëtaren A, pasi që për të grupmoshat jemi gjithmonë në procedura të tilla. Por, për Kombëtaren A jemi aktualisht në procedura për një lojtar dhe për dy lojtarë të tjerë mund të fillojnë ndoshta së shpejti procedurat, por po i presim edhe konfirmimet përfundimtare të tyre”.
Ndërkohë, Shala ka bërë të ditur se procedurat për sigurimin e pasaportës kosovare për futbollistët e rinj janë mjaft të gjata dhe i shkaktojnë vështirësi Federatës së Futbollit të Kosovës. /Albinfo.ch
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën