Kosovë: Aksident në autostradë, lëndohen katër persona

Katër persona kanë mbetur të lënduar nga një aksident trafiku që ka ndodhur sot pasdite në autostradën ‘Arbën Xhaferi’, në segmentin Lipjan-Ferizaj. 

Lajmin për telegrafin, përcjell albinfo.ch, e ka konfirmuar zëdhënësi i Policisë së Kosovës, Baki Kelani, i cili tha se në aksident janë përfshirë tri vetura. 

“Në autostradën ‘Arbën Xhaferi’ ka ndodhur një aksident trafiku, ku në bazë të informacioneve të para dyshohet se janë të përfshira tri vetura me targa vendore”. 

“Si pasojë e aksidentit katër persona kanë pësuar lëndime, dy prej tyre janë dërguar për tretman në QKUK. Në vendin e ngjarjes ndodhen njësitet relevante policore dhe prokurori”, tha Kelani.  

Kelani bëri të ditur se rruga ka qenë e bllokuar, derisa njësitet kompetente policore të kryejnë procedurat hetimore.