Lajme

KQZ telefonon mërgimtarët nga numra anonimë

Komisioni Qendror i Zgjedhjeve ka filluar të verifikojë përmes telefonit aplikuesit për pjesëmarrje në zgjedhjet e 14 shkurtit në Kosovë, raporton Albinfo.ch.

Mirëpo një gjë e tillë ka shkaktuar pakënaqësi tek bashkatdhetarët duke qenë se thirrjet po u vijnë në telefona nga numra anonimë.

Për një gjë të tillë ka reaguar edhe organizata Germin e cila një gjë të tillë e quan skandaloze.

“Komisioni Qendror i Zgjedhjeve ka filluar verifikimin përmes telefonit të aplikuesve për regjistrim për votim nga jashtë vendit me telefonata që paraqiten ‘ANONIME’ në telefonat e aplikuesve. Këtë gjë na e konfirmojnë raportimet e bashkatdhetarëve tanë, siç mund të shihet në fotot e mëposhtme”, thuhet ndër të tjera në reagim.

Sikur të mos mjaftonte vendimi i padrejtë e kundër kushtetues i KQZ-së, sipas Germin, zbatimi i tij është skandaloz. “Kërkojmë nga KQZ ta ndaloj menjëherë këtë proces që cënon seriozisht të drejtën e votës për pjesëtarët e diasporë, thuhet më tutje në reagim, përcjell Albinfo.ch.


LAJME INTERESANTE NGA INTERNETI