Kriza e koronavirusit i kushton Austrisë 100 miliardë euro

Keystone EPA/BORIS ROESSLER

Agjencia “Agenda Austria” ka analizuar pasojat ekonomike në Austri gjatë një viti të pandemisë dhe krizës me koronavirus.

Sipas kësaj agjencie e cila merret kryesisht me analiza ekonomike, kriza e pandemisë së koronavirusit do të rëndojë ekonominë austriake me një total prej 100 miliardë eurosh, shkruan albinfo.at

Siç raporton APA, 60 miliardë euro i atribuohen humbjeve ekonomike dhe 40 miliardë euro kostove të ndihmës shtetërore,. Ky vlerësim është bërë nga ekspertët ekonomikë në Austri dhe është raportuar nga mediat austriake gjatë ditës së premte.

“Agenda Austria”  del me një rezultat se, prodhimi i brendshëm bruto (BIP) ishte 31 miliard euro më i ulët se sa parashikohej  të ishte vitin e kaluar.

Por, çfarë duhet të bëhet tani në drejtim të rimëkëmbjes ekonomike?

“Vaksinim, vaksinim, vaksinim…ky, do ishte programi më i mirë ekonomik”, thotë për kurier.at, drejtori i Agenda Austria, Franz Schellhorn.

“Një ngritje ekonomike pas koronavirusit mund të mendohet vetëm pasi të këtë vaksinim të shumicës së popullsisë”, shtoi ai.

“Agenda Austria” për gjatë tërë vitit ka analizuar pasojat ekonomike në kohën e pandemisë.