Ukraina

Kroacia e sheh Zvicrën me rol ndërmjetësues në luftën në Ukrainë

Presidenti kroat, Zoran Milanovic, sheh një rol ndërmjetësues për Zvicrën në luftën në Ukrainë, përcjell albinfo.ch.

Duke folur në Gjenevë të enjten, ai vlerësoi gjithashtu qëndrimin “inteligjent” të Qeverisë zvicerane në miratimin e sanksioneve të Bashkimit Evropian.

Milanovic theksoi nevojën për zgjidhjen e krizës në Ukrainë, duke u thënë mediave se “vetëm disa vende mund ta luajnë këtë rol”, pa përmendur se cilat.

Sipas mendimit të Milanovic, miratimi i sanksioneve të BE-së nga Zvicra nuk ka shkelur neutralitetin.

Cassis pranoi se Ukraina kishte marrë një pjesë të madhe të diskutimeve me homologët e tij.

“Ne jemi dëshmitarë të imazheve dhe videove që na tronditin”, tha ai.

“Kjo nuk duhet të kishte ndodhur në shekullin e 21-të”.

Cassis përsëriti se Zvicra donte një hetim ndërkombëtar të pavarur për të kontrolluar nëse ishin kryer krime lufte. Këshilli i OKB-së për të Drejtat e Njeriut sapo kishte krijuar një komision ndërkombëtar hetimor që do t’i besohej ky mandat, tha ai, përcjell tutje albinfo.ch.


LAJME INTERESANTE NGA INTERNETI