Kryqi i Kuq gjerman ndihmon mjekësinë në Maqedoninë Veriore

Pak ditë më parë, një transport me ndihma ka arritur në Spitalin Universitar të kryeqytetit verimaqedonas, Shkup. Dërguesi ishte Kryqi i Kuq gjerman (DRK) nga Vörstetten, i cili në mënyrë të përsëritur ka dërguar ndihma me furnizime mjekësore.

Pak ditë më parë, një transport me ndihma ka arritur në Spitalin Universitar të kryeqytetit verimaqedonas, Shkup. Dërguesi ishte Kryqi i Kuq gjerman (DRK) nga Vörstetten, i cili në mënyrë të përsëritur ka dërguar ndihma me furnizime mjekësore. Një informatë e tillë është bërë e ditur nga shoqata lokale, në konferencën e saj për shtyp.

Që nga viti 1995, DRK Vörstetten është përfshirë në fushën e ndihmës humanitare për qytetarët e Republikës së Maqedonisë Veriore. Që atëherë, ka pasur një partneritet të ngushtë me Kryqin e Kuq të Maqedonisë Veriore. Megjithëse nuk ishte i përfshirë drejtpërdrejt në trazirat e luftës në Ballkan, në vitet 1990, ky vend i vogël ende vuan nga pasojat e rënies së dhunshme të ish-Jugosllavisë dhe krizave të lidhura me refugjatët, sipas DRK. Varfëria dhe papunësia janë të përhapura sot dhe në veote kujdesi bazë mjekësor i popullsisë është larg nga standardet e sotme europiane – ekziston një mungesë thelbësore në shumë fusha.

Kështu, DRK Vörstetten kohët e fundit iu përgjigj sërish një thirrjeje për ndihmë të Kryqit të Kuq të Maqedonisë Veriore, pas të cilit vullnetarët nuk hezituan gjatë dhe mblodhën furnizime të ndryshme ndihmash, shkruan “Badische Zeitung”, përcjell Albinfo.ch.

Mbështetja e Spitalit Universitar në Shkup me furnizime mjekësore, është në qendër të përpjekjeve për ndihmë. Për këtë qëllim, nga Shtëpia e shëndetit në Emmendingen u siguruan 25 shtretër infermier, dyshekë dhe tavolina. Spitali Universitar i Freiburgut ka dhuruar edhe dhjetë shtretër, një llambë operative, shtretë kontrollues, karrige me rrota dhe disa kuti të veshjeve individuale për pacientë dhe materialeve mjekësore.

Për disa javë, anëtarët e DRK-së, nën udhëheqjen e menaxherit të punës sociale Daniela Hog përgatitën ofrimin e ndihmës. Dymbëdhjetë punëtorë të DRK-së, për rreth pesë orë ngarkuan mallrat e ndihmave në një gjysmë rimorkio me ndihmën e kompanisë Bolze.