Ku mund të udhëtojnë qytetarët e Kosovës pa viza?

Grafika: Radio Evropa e Lirë

Ditë më parë është zbuluar raporti i Indeksit për pasaportat më të fuqishme në botë. Qytetarët e Kosovës vazhdojnë të jenë të dëshpëruar, për shkak se nuk do të jenë të lirë të udhëtojnë pa viza as në vitin e ardhshëm, përcjell albinfo.ch.

Qytetarët e Kosovës mund të udhëtojnë në 14 vende pa viza, dhe 34 pasi të arrijnë, por shumica janë vende afrikane, që nuk vizitohen shumë nga kosovarët, raporton “Radio Evropa e Lirë”.

Në tjerat vende, sidomos evropiane, nuk mund të lëvizin pa viza, madje ato më të rëndësishmet.

Disa vende si Rusia, Spanja apo edhe India, nuk e njohin fare Pavarësinë e Kosovës dhe nuk i pranojnë dokumentet.