Kujdes, mund të sëmureni në spitalet zvicerane

70 mijë njerëz sëmuren çdo vit në spitalet zvicerane dhe në shtëpi pleqsh nga infeksionet. 2.000 prej tyre vdesin.

Çdo i treti rast megjithatë mund të parandalohet, besojnë autoritetet.

Gjashtë deri në tetë për qind e pacientëve marrin një infeksion në spitale.

Rreth 2 mijë vdekje raportohen çdo vit  të kenë ndodhur nga një infeksion i fituar në spital. “Në parim, të gjithë pacientët në spital janë në rrezik. Por, shumica e atyre me sëmundje që ia kanë dobësuar sistemin imunitar; njerëzit e vjetër apo njerëzit në kujdesin intensiv”, tha për SRF Stefan Kuster, mjek i infektologjisë.

Popullsia po plaket, mangësitë në imunitet janë në rritje. Dhe, pavarësisht gjithë kujdesit, operacionet jo gjithmonë mund të jenë pastruar si duhet. Infeksionet në spitale dhe në shtëpi pleqsh për këtë arsye janë të pashmangshme.

Ulrike Schröder nga Zyra Federale e Shëndetit Publik (BAG) thotë se janë në implementim të një strategjie për të reduktuar këto infeksione të parandalueshme në spitale dhe shtëpi pleqsh dhe, në këtë mënyrë, për t’i mbrojtur më mirë pacientët dhe kujdestarët prej saj”.

Qëllimi i parë i projektit është që të mblidhen shifra të besueshme për shtrirjen e problemit dhe për të verifikuar vlerësimet e mëparshme. Pastaj, duhet të krijohet një sistem i gjerë monitorimi.

“Studimet kanë treguar se mund të zvogëlojmë infeksione vetëm duke ngritur një sistem të monitorimit dhe gjithashtu të raportimit”, thotë Schröder.