Kujtohet vepra e këngëtarit Sayyed Darwish

Trashëgimia dhe jeta e këngëtarit dhe kompozitorit legjendar egjiptian, Sayyed Darwish, u soll në jetë gjatë ceremonisë së mbylljes së festivalit të Byblos në Liban.

I cilësuar si babai i muzikës moderne arabe, Darwish u riprezantua tek audienca e festivalit të Byblos, disa nga të cilët nuk e kishin ditur kurrë se këngët që kanë kënduar gjatë gjithë jetës kanë qenë të tij.

Meloditë e këngëve të tij u performuan nga muzikanti libanez Charbel Rouhana. “Gjëja më e rëndësishme është të nxjerrim në pah muzikën që njerëzit nuk po e dëgjojnë më”, tha Rouhana, i cili udhëhoqi koncertin, përcjell albinfo.ch.

Gjatë shfaqjes, u prezantua një video e shkurtër me pjesët më të rëndësishme të karrierës së pasur muzikore të Darwishit.

Muzikanti i lindur në Aleksandri vdiq në moshën 31-vjeçare në vitin 1923, në fillim të karrierës së tij muzikore. Muzika e tij ka pasur shumë ndikim në muzikën moderne arabe.