Kuka merr dhuratë nga diaspora shqiptare

“Gjatë vizitës në Ludwigsburg dhe pritjes nga diaspora shqiptare mora fanellën nga Klubet e Futbollit ‘Drita-Kosova’ dhe ‘Bardhosh Gërvalla’ dhe kështu kundërshtareve të mi në futboll, ju paralajmëroj sezon të fortë!”, ka thënë Kuka

Përzgjedhësi i Kosovës në xhudo, Driton Kuka është njëri nga njerëzit më të respektuar jo vetëm në Kosovë dhe Shqipëri, por në mbarë diasporën shqiptare, shkruan albinfo.ch.

Ai do të mbahet mend për suksesin e arritur së bashku me Majlinda Kelmendin në Lojërat Olimpike “Rio 2016”, duke fituar medaljen e artë, që ishte e para për Kosovën në pjesëmarrjen e parë.

Kuka është krenar për fanellën me numër 10 që iu dhurua klubet në diasporë.

“Gjatë vizitës në Ludwigsburg dhe pritjes nga diaspora shqiptare mora fanellën nga Klubet e Futbollit ‘Drita-Kosova’ dhe ‘Bardhosh Gërvalla’ dhe kështu kundërshtareve të mi në futboll, ju paralajmëroj sezon të fortë!”, shkruan Kuka në “Facebook”.