Futboll

Kumbulla, drejt Interit këtë afat

Kumbulla vendos për Inter

Është bërë e ditur se Marash Kumbulla ka bërë zgjedhjen e tij. Qendërmbrojtësi i Veronës  pritet të shkojë te Inter. I ndjekur nga Lazio dhe nga Juventus, futbollisti i kombëtares shqiptare ka vendosur pas këshillimeve edhe të menaxherëve të tij, përcjell albinfo.ch.

Mediat italiane raportojnë se mbetet për t’u ndërmarrë hapi vendimtar, por operacioni është në rrugën e duhur. Me 26 ndeshje këtë sezon, mbrojtësi ishte prej kohësh objektiv i skuadrave më të mëdha italiane.

Trajneri Conte dhe drejtuesit e klubit zikaltër e kishin piketuar si përforcimi i parë, në qendër të repartit defansiv në projektin e sezonit 2020-2021. Marrëveshja mes palëve ka avancuar.

Inter parakalon konkurrencën e Lazio që tentoi seriozisht dy muaj më parë, kur u gjet edhe akordi me futbollistin, mbi një kontratë prej 5 vjetësh me 1.5 milionë euro në sezon. Me Veronën ishte diskutuar për 26 ose 27 milionë euro.

Por paraqitja e 20-vjeçarit rriti kërkesat e klubit verdheblu. Tashmë thuhet se Verona kërkon 30 milionë euro për shqiptarin.

Me sa duket këtë shifër e përballon Inter. Me gjasë Kumbulla ka qenë dakord të shkojë në skuadrën e Conte, edhe pse vetë është tifoz i Milanit.


LAJME INTERESANTE NGA INTERNETI