Tematike
Këto kantone duan t`i hapin restorantet më 1 mars
Kantoni i Graubündenit dhe ai i Vaudit duan të hapin restorantet e tyre më herët se sa parasheh qeveria e vendit. Kjo po has në moskuptim në nivelin federal
Kantoni i Graubündenit dëshiron që restorantet, gjegjësissht tarracat e tyre të jenë në gjendje të rihapen që nga 1 Mmarsi ose një muaj më herët sesa ishte planifikuar nga Këshilli Federal.
Presidenti i këtij kantoni, Mario Cavigelli ka arsyetuar kërkesën duke thënë se kantoni i tij kishte bërë shumë për të luftuar pandeminë, duke bërë ndryshe nga kantonet tjera, teste masive të popullatës, raporton srf.ch.
“Dhe kjo duhet të shpërblehet”, thotë Cavigelli, transmeton albinfo.ch. Në fund të fundit, duhet shkuar nga ajo që qeveria federale t`ua kthejë përsëri kantoneve disa kompetenca”.
Qeveria e Vaudit po kërkon gjithashtu më shumë autonomi për kantonet. Këtu bëhet fjalë për kërkesën specifike që restorantet të lejohen të rihapen plotësisht nga mesi i marsit.
Këshilli Federal, i pakënaqur me kërkesat nga kantonet
Fakti që kantone të ndryshme po nxitojnë me kërkesat e tyre për hapjen e restoranteve nuk ka gjetur mirëkuptim te ministri Alain Berset, përcjell albinfo.ch. Kanë qenë pikërisht rregullat e ndryshme në çdo kanton, në vjeshtë, ato që çuan në “turizmin e koronës”, është shprehur ministri i shëndetësisë. Kjo gjithashtu nuk ndihmon në uljen e numrit të rasteve.
Berset më tutje ka thënë se: “Si rezultat, popullsia shkonte në ato vende ku masat ishin më të relaksuara – dhe numri i infeksioneve rriteh. Tani duhen rregulla unike kombëtare për të luftuar pandeminë”, ka shtuar Berset.
Edhe përfaqësuesi i kantoneve Lukas Engelberger, President i Konferencës së Drejtorëve Kantonalë të Shëndetit (GDK) është kundër hapjes së shpejtë, transmeton albinfo.ch.
“Ne nuk duam të hapim lokalet tani dhe pastaj t’i mbyllim përsëri disa javë më vonë. Nuk duam të jemi optimistë tani dhe të ankohemi për rritjen e re të vdekjeve brenda pak javësh”, është shprehur ai.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane